<$BlogRSDUrl$>
Ang Mga Pakulo Ni Pong

Sa mga nag-aakalang patuloy na makukuntento si Pong bilang isang pagong... sige lang... ipagpatuloy niyo ang pag-aakala... Sa mga nag-aakalang si Pong ay may kakayahang maging isang ulupong... sige lang... ipagpatuloy niyo rin ang pag-aakala... Sa mga nakakikilala kay Pong... isa nga ba siyang pagong o isang ulupong? Ang matitiyak niyo lamang ay ito... mahilig siya sa kangkong...

Buwan

Friday, December 12, 2008
Mas gusto kong pagmasdan ang buwan sa kanyang kabuuan... Full moon, 'ika nga... Naaalala ko pa noon, high school, kay laki ng buwan noong gabing iyon... Hindi ko alam kung bakit, pero masarap pagmasdan...

Kailangan ko na yata bumili ng telescope...

Well, di naman ako naghangad maging astronaut at wala akong planong lumapag sa buwan... Sadyang may mga bagay na kaaya-aya from afar... Ano nga namang sense ng puntahan pa ang buwan, eh di hindi ko na siya nakita ng buo... Baduy...

Anyway, nagsalang ako ng labada at salamat sa buwan, di ako nadapa... Nakakatuwa, ang liwanag sa labas... Ganda't liwanag ng buwan...

At hahanguin ko na nga ngayon ang aking nilabhan... Pero naisip ko lang, baka tumambay muna ako sa labas... Hindi ko kayang ikahon ang mga bagay-bagay pero sasabihin ko na... Kung ano pang nangyari o mangyayari, napagtanto kong maganda ang gabing ito dahil sa kabuuan at liwanag ng buwan...

Paglipas ng araw, pangarap ko'y ganap
Ako'y iyung nasa isip, ako'y hanap-hanap
Di raw panaginip, Sa isang iglap
Magkasama tayo, sa alapaap

Hawak kamay at
Sabay na humahanga sa
Ganda't liwanag ng buwan

~
Post a Comment
<< Home

10:25 PM :: Baba (ponggoloids)